Тывада IV-кү делегей чергелиг сарыг шажын шуулганының иштинде «Чонар-даш» уран чүүлүнүң уругларга мөөрейи чарлаттынганын сагындыраал. Тыва Республиканың Чонар-дашчылар эвилелиниң кежигүнү, Тубтен Шедруб Линг хүрээниң чурукчузу Сергек Салчак уругларга мастер-классты көргүскен. Чонар-дашты сонуургап чоруур өөреникчилерге, чижээлээрге, лотос чечээн, шажынның дөрт күштүг амытаннарын чазаарын тайылбырлаан. Ол ышкаш Сергек Салчак Тывада IV-кү делегей чергелиг сарыг шажын шуулганының чонар-даш мөөрейинде жюри кежигүнү бооп турар.