Өвүр кожууннуң бир улуг назынныг, хүндүткелдиг өгбевис Зинаида Байыровна Донгактың чырык чер кырындан чарлып чорупканын ханы кажыыдал-биле чоок кижилеринге болгаш чангыс чер-чурттугларывыска илереттивис. Ол Россия Федерациязының ооредилге адырының хүндүлүг ажылдакчызы, Тыва АССР-ниң алдарлыг башкызы, Тыва Республиканың Улустуң башкызы, Күш-ажылдың хоочуну, Өвүр кожууннуң хүндүлүг чурттакчызы, кожууннувустуң үлегерлиг башкызы, Тыва Республиканың кавалер ордениниң болгаш хөй санныг шаңналдарның эдилекчизи. Улуг өгбевис, үлегерлиг башкывыс, чонувустуң чоргаарланып чораан хоочуну, ажы-төлүнүң эргелиг авазы, ынаныштыг кырган-авазы, төрелдеринге арга-сүмезин берип чораан өгбези чырык өртемчейден чоруп, улуг уйгузун удуй бергени кожуунувуска улуг чидириг-дир. Улуг өгбевистиң чедер чери чырык, чыдар чери чымчак болзун. Төрээн черивистиң довураа чылыг чоорган болзун, өршээ.