Сегодня в рамках празднования 100-летия одного из самых крупных кожуунов нашей республики – Барун-Хемчикского кожууна – торжественно открыли новый стадион на 1000 мест. Чурттакчы чону спортка онза хандыкшылдыг, ат-сураглыг спортчуларның чурту болур Барыын-Хемчикте улуг стадион чок болганын барымдаалааш, кожууннуң 100 чыл оюнга белек кылдыр Кызыл-Мажалык суурга чаа шагның улуг стадионун кылдырган бис. Бо хүнде улуг, делгем, чараш, спортчуларга таарымчалыг, чаа шагның негелделеринге дүгжүп турар стадионнуң ажыттынганы канчаар-даа аажок өөрүнчүг-дүр. Кызыл-Мажалык суурга ам республика чергелиг улуг маргылдааларны эрттирип, чонга, чалыы салгалга солун, ажыктыг хемчеглерни организастап болур апарган. Сөөлгү чылдарда чонувустуң хар-назындан ылгал чокка массалыг спортка хандыкшылы бедип олурарын эскерип болур. Ынчангаш барыын-хемчикчилер база чаа улуг стадионунга чүгле маргылдаалар, спортчу хемчеглерге киржир азы аарыкчылап, көрүкчүлеп кээр эвес, а хүн бүрүде бодунуң кадыын быжыглап, күш-культурага хандыкшыыр дээрзинге идегедим. Ынчалдыр арага-дары ижер, корум-чурум хажыдар чоруктарга удур демиселди база күштелдирип болур бис. Стадионнуң эргинин артап кирген кижи бүрүзүнге чайынналчак тиилелгелерни, быжыг кадыкшылды болгаш бедик хей-аътты йөрээдим!